Welcome to the
Candonians of Southern California, Inc.
Candonians of Southern California, Inc.
 |
 |
 |
 |
 |
 |
 |
 |
 |
 |
 |
 |
| “PALIIW KEN PASAMAK” By Constante “Boy” Samonte FIESTA TI CANDON ’09 KEN TI “INCARI LAS VEGAS 2009” ‘PAS MANEN! Kayatna sawen ‘toy numo, ti Candon City Tobacco Festival - 111th founding anniversary ken 8th cityhood celebration a naangay idi Marso 23-30, 2009 nga addan ti Tema a Candon: Puso ken Rimat ti Kailokuan (the heart and radiance of Ilocandia) Adu a bannog, ling-et, sakripisio ken kuarta ti naidaya dagiti Appo a Madaydayaw nga agtuturay ditoy ilik, ngem, kas kunada iti Tagalog-“sulit naman” ta naidaddaduma a ragsak ken pannakapnek ti naipaay daytoy a panag-fiesta ti Candon 2009 kadagiti Candonians, sangaili ken kangrunaan a bisita a naggapu iti nadumaduma a lugar. Ngem, nupay adu dagiti naragsakan iti daytoy nakunak a piesta, kas maysa kadagiti “managpaliiw” (manipud nag- balikbayan ‘toy numo from Southern California) adu dagiti innak napaliiw a ‘nalidayan’, apay? Ania ti rason? Adittoy nga innak ibinsabinsa dagiti pasamak (malaksid iti Pebrero 21 a screening ken selection ti 12 candidates para iti Miss Virginia Tobacco 2009 idiay Candon City Hall Rooftop ken Pebrero 26-28 a screening ken elimination ti Bikini Open candidates idiay Candon Beach Resort, Darapidap) ta mailawlawagko a nasayaat no apay nga adda latta dagiti ‘nalidayan’ nupay adu ti naragsakan iti panagpiesta ti Candon: MARSO 8, 2009 – 8:00 AM, Candon City Taekwondo Championship Civic Center All schools and taekwondo clubs in Ilocos Sur. Adu ti nargasakan a nagbuya ngem adu dagiti ‘martial artist’ ken agessem ti taekwondo a saan a nakadamag iti daytoy a mabuya ta awan met kanon dagiti kas tay dati a dakkel a karatula iti eskediul ti mabuya ti fiesta a maipaspaskel iti sango ti Candon Supermarket ken Candon Civic Center? MARSO 14, 2009 – Mayor Allen G. Singson 10K Run. As usual, adu ti naliday ta dida nabuya ta dida met ammo nga adda kastoy a mabuya. (Iti daytoy met la nga aldaw a naangay ti Golden Anniversary of Fr. Leo Inofinada idiay Candon Civic Center) MARSO 14-15, 2009 – Naliday dagiti agessem ti chess a di pulos nakadar-ay ken nakiay-ayam ta adu unay ken napateg dagiti trabahoda a dida mapanawan, nangruna kadagiti addaan ti bukodnan a pamilia, uray ania la unay piman ti ayatda nga umay ngem ipangrunada kano mpay ti agsapul ti kuarta ta adda pagbiag ti pamilia. MARSO 15 ,2009 – Mountain Bike Fun Ride. Naliday dagiti di nakipagpartisipar ta awan ti nasayaat a ‘bisikletada’ ken saanda a nakapgsanay nupay kayatda met koma ti makipag-ragsak iti daytoy a pasamak. MARSO 15, 2009-2nd Candon City Soccer Festival CNHS invitational- Agasem ta gapu ta nangina ti soccer shoes, adda dagiti ‘player’ nga awan bukodna a sapatos piman, ngem pagsayaatanna, makaawat met dagiti host ket pinalubusanda nga agay-ayam dagiti awan sapatosna no la ketdi naka-medias! Naragsak koma dagiti player no adda bukodda a sapatos! MARSO 21, 2009- Beach Volleyball Darapidap – Naliday dagiti di nakabuya ta nangina kano ti plete a mapan idiay Darapidap, agasem no maymaysaka a mapan, arkilaem ti P40 ti traysikel ket no agawidka ti malem arkilaem manen ti P50 ti traysikel. Nasayaat no grupokayo ken no adda bukodyo a luga, ngem manmano met ti adda bukodna a lugan ken makabael nga agarkila ti traysikel.Kunada ti pagpleteda, igatangtada laengen iti instant mami ken bagas. MARSO 21-22, 2009-1st Mayor Allen G. Singson Airsoft Competition CNHS Soccer Field – Adu ti napan nagbuya ta damoda ti makaimatang ditoy Candon kadagiti naka-full battle gear (a kasla SWAT ken military uniform) a player ti Airsoft-ti ay- ayam a paltog a de-bateria ken mabalaan ti plastic pellets, ngem kalpasan ti nasao a pasalip, nakalidliday a kitaen dagiti naiwara a basura iti entero nga aglawlaw kas koma kadagiti styros ken plastics nanganan-naginuman dagiti players ken dagiti immay nagbuya. Nasayaat koma no agraman waste management kalpasan ti pabuya ket kinita met a naimbag ti Candon Airsoft Association. MARCH 22, 2009- MAYOR ALLEN G. SINGSON NATIONAL MOTOCROSS CUP, Bagani Campo. – Daytoy ti lugar a dati a bantay a madama a mapatpatag. Nagadu nga immay nagbuya, ngem nakalidliday piman a kitaen dagiti tao nga uray nakataptapok ken napudot, maanusanda ti agbuya iti kastoy ta naidaddaduma kano! No mapanka ditoy, malabsan tay bantay iti likudan iti Bagani Elementary School a makua-quarry ket nakabutbuteng a panunoten a makadidigra daytoy inton panawen ti panagtutudo, sapay ta awanto koma ti madangran, nangruna dagiti estudiante! MARSO 23, 2009-7:00 PM Administration/Barangay Night/Balikbayan (Ballroom Dancing Show with Ms. Regine Tolentino) Candon Civic Center City – Ay, apunay a lapsat ni Regine Tolentino a nalatak a TV host ken professional dancer. Naragsak koma no naisapsapa a nairugi ta ad-adu koma ti naipakat a ballroom dance. MARSO 24, 2009-8:00 PM Search for Miss Gay Civic Center – Nagragsak a buyaen dagiti ‘very talented’ a ‘badaf’ a contestant, ngem naliday dagiti moralist ta ti kastoy kano a pabuya ket i-promotena ti gay rights ket umadu latta kano ti kameng ti ‘federasion’. MARSO 25, 2009-8:00 PM SK Night Candon Civic Center All SK- Live Band Concert featuring Itchy Worms idiay Candon Civic Center. Naragsak dagiti agtutubo nga immay dimmar-ay ngem naliday dagiti sumagmamano a nagannak ta amangan a ‘sabali’ ti papanan dagiti annakda kalpasanna.(Naangay iti bigat ti Wreath Laying iti Bannuar ti Candon a ni Don Isabelo Abaya idiay Candon City Plaza a nangidaulo iti panag-alsa kontra Espania idi Marso 25, 1898, Concelebrated Mass iti Saint John Sahagun Parish Church, Local Products Fair-Calamay ken Cornik iti Candon City Plaza, ken iti malem naangay ti Ballet Recital idiay Candon Civic Center). MARSO 26, 2009 ELIMINATION-SINGING IDOL 2009, Candon Civic Center- Adu ti naragsakan ta nakitada ti Idolda a ni Sen. Ramon “Bong” Revilla, Jr., naliday dagiti di nakaimatang kadakuada iti personal ta dida nakaumay piman. Better luck next time, kailian.(Naangay iti bigat ti Marching Band Parade/Contest idiay Candon South Central School Ground, iti malem, naangay iaidy Candon City Hall Lobby ti Talent Competition, Search for Miss Virginia Tobacco 2009). MARCH 27, 2009 – SEARCH FOR MISS VIRGINIA TOBACC0 2009- Adu ti immay nagbuya a naragsakan ditoy ta agkakapintas ken agkakasirib dagiti nakisalip a dayag, ngem, naliday dagiti di immay nakabuya ta awan wayada ta nabnnogdan iti trabahoda ket didan kabaeln ti agpuyat pay nga agbuya.(Naangay iti bigat ti Groundbreaking Ceremony iti proposed NTA Building idiay Calaoa-an, Inauguration of Landfill idiay Balingaoa, ken ti Panagdubla wenno Tobacco Rolling, Tobacco Quiz Bee ken Awarding of PHILHEALTH cards kadagiti indigents idiay Candon City Plaza). MARCH 28, 2009 –ILOCANDIA BIKINI OPEN 2009 (Final Competition) – Ay, apo, nagadu nga immay dimmar-ay, ngem, anian a liday dagiti immay ta parbangon metten idi nangrugi ti pabuya! Nasayaat koma no ‘American Time’ wenno ON TIME a nairugi, nagmayat koma no nasapsapa a narugian ti pabuya ta di koma met nalin-linnaawan ken napuyatan dagiti piman nga immay nagbuya. Agasem 11PM ti March 28 a nairugi? (Naangay iti bigat ti Grand Parade ken Street Dancing Competition a nangrugi iti National Highway ken nagturong idiay Candon South Central School Ground, iti malem naangay ti Fireworks Display ditoy met laeng a lugar) MARCH 29, 2009 – PHILHARMONIC ORCHESTRA, St. John Sahagun Parist Church. Nasayaat koma no napintas ti pannakaipromotena kas cultural show daytoy a pabuya ken saan koma a naangay idiay mismo uneg ti simbaan ta napudot idiay uneg uray adda electric fan gapu iti kaadu ti tao. (Iti bigat, naangay ti Beach Volleyball idiay darapidap Beachfront) MARCH 30, 2009 – FIRST INTER-BRGY JUNIOR AMATEUR BOXING TOURNAMENT, Candon Civic Center. Gapu ta saan unay a nai-promote, manmano ti nakadamag ket manmano ti immay nagbuya.Adu koma ti nakisalip no nasayaat a nai- promote. Nupay kasta, gapu ta adu ti naragsakan, CONGRATULATIONS kadagiti opisial ti EXECUTIVE COMMITTEE CANDON CITY FIESTA 2009 a da: SPM George Valdez, Chairman; Mrs. Fredaluz Singson, Vice Chairman; Fiscal Emmylou Mangasar, Executive Secretary; SPM Rosario Villalobos, Treasurer; Mrs. Norie Balagot, Asst. Treasurer; SPM Alfonso Singson, Auditor; Marilyn Pitargue, Grace Ramos, Program Coordinators ken kadagiti working committee chairmen/co- chairmen. Sapay ta naragragsakto inton sumaruno a fiesta ti Candon ken nasaysayaatto ti pannakaurnos ken pannaka-promote dagiti programa ken sapay ta maisapsapanto a mairugi dagiti mabuya? - O 0 o – TI INCARI 2009 Maangay inton Oktubre 9-11, 2009 idiay Gold Cost Hotel and Casino, Las Vegas, Nevada ti INCARI 2009 ti 2nd International Reunion dagiti Candonians, ti INCARI ket maysa a balikas iti Iloko a kayatna sawen ket ‘promised’ ta daytoy ngarud ti naikari a silpona tay naangay nga umuna nga INCARI idi 2006 idiay Las Vegas no sadino ket 500 a Candonians ti immay dimmar-ay manipud iti uppat a suli ti lubong. Ti INCARI ket esponsoran ti nagtipon a puersa ti Candonians of Las Vegas nga idauluan ni Manuel G. Carino, Candonian Northern California nga idauluan ni Edgar Bragado ken ti pagkamengak a Candonian Southern California Inc. nga idauluan ni Lilia Ramos Alog ( ti CSC ket nabangon idi Pebrero 16, 1985 ken nagbalin a non-profit public benefit California Corp. idi 1992 a ti kangrunaan a missionna ket pannakaitandudo ti kultural, social ken edukasion a programa iti komunidad). Ti INCARI 2009 ket pagpartisiparan dagiti amin a gunglo ti Candonians iti entero a lubong. Adittoy ti programa: Iti 1st day/night-registration ken meeting nga esponsoran ti Candonian Northern California, ti 2nd day/night ket isu ti Gala Night wenno Cultural Show nga esponsoran ti Southern California ken ti 3rd day, isu ti maudi nga aldaw a pakaangayan ti “get together ken farewell party” nga esponsoran ti Candonians of Las Vegas. Sapay koma ta dagiti opisial dagiti nasao nga organisasion, kangrunaan dagiti presidente ket saanto koma a ‘paibibiang’ kadagiti appo nga agtuturay. Sapay koma. Ta no paapektarda, ay ket NALPAS MANEN a! |